Познатиот менаџер на криптовалути, Џастин Сан ја купи компанијата BitTorrent, позната по истоимениот P2P протокол за размена на фајлови, користен масовно во торенти и која се смета за најпопуларна во светот.
Според различни извори, вработени на компанијата, трансакцијата е склучена минатата недела, но зачувана во тајност досега. Не е познато колку платил Џастин Сон за да го поседува вредниот ресурс.
Уште во септември минатата година, Сон и BitTorrent потпишале договор за преземање, што веќе е факт. Зделката е одложена неколкупати поради преговори на BitTorrent со други потенцијални купувачи.
Во меѓувреме, Џастин Сан регистрирал нова компанија Rainberry Acquisition додека BitTorrent го преименувала во 2017 година правното лице, сопственик на брендот, на Rainberry.
Набљудувачите на пазарот забележуваат дека продажбата на BitTorrent е неочекувана. Компанијата се бореше пред една деценија кога одлучи да изгради забавен бизнис на P2P. Овие планови претрпеа неуспех и BitTorrent беше принудена да отпушти голем дел од своите вработени.
Но, во последниве години BitTorrent доминираше на пазарот како најпопуларен играч во светот на P2P. Компанијата достигна импресивни 150 милиони активни корисници месечно.
BitTorrent е основана во 2004 година, а во моментов датотеките кои го користат BitTorrent протоколот за пренос на податоци генерираат најголем дел од мрежниот сообраќај. Компанијата развива μTorrent и BitTorrent – два клиенти со овој протокол.
Џастин Сон контролира 1,65 милијарди долари од крипто-валутата Tron, чија пазарна капитализација изнесува 4,78 милијарди долари преку Фондот Sun Tron. Тоа, според аналитичарите, се доволни средства, за да биде обезбеден договорот за BitTorrent.