Mercedes-Benz е заинтересиран за нова технологија која ќе стави крај на возачите под дејство на алкохол. Станува збор за технологијата на корејската компанија PiQuant која развива уреди и решенија за мерење на концентрацијата на алкохол во крвта – со допир на прст.
Технологијата на PiQuant може да се користи за да се спречи возење во пијана состојба со спречување на автомобилот да се запали или со префрлување на режим на автономно возење кога пијан возач ќе го притисне копчето за палење со прстот, пишува „Jutarnji“.
Според BusinessKorea, новата технологија која наскоро би можела да го најде своето место во моделите на Mercedes се заснова на спектроскопија, а само еден допир на копчето за палење на автомобилот ќе биде доволен за откривање на алкохол во крвта.