Германската канцеларка во заминување Ангела Меркел по втор пат разговараше за ситуацијата на границата меѓу Полска и Белорусија со рускиот претседател Владимир Путин, порачувајќи му дека Белорусија распоредува беспомошни луѓе во, како што беше соопштено, хибриден напад.
Меркел му рекла на Путин дека ситуацијата на границата, каде што има стотици замрзнати мигранти на ничија земја меѓу двете земји, ја предизвикала Белорусија, наведе во изјавата нејзиниот портпарол Стивен Зајберт, пренесе Ројтерс.
„Канцеларката нагласи дека ситуацијата е предизвикана од белорускиот режим, кој користи беспомошни луѓе во хибриден напад врз Европската унија“, се вели во соопштението на портпаролот Зајберт, додавајќи дека Меркел и Путин разговарале и за конфликтот во источна Украина.