Германската канцеларка Ангела Меркел јавно го критикуваше својот заменик Олаф Шолц, кој ги нарече вакцинираните луѓе против коронавирус „заморчиња“, пренесе „Анадолија“.
– Никој од нас, на кој било начин, не беше заложник кога станува збор за вакцинацијата – рече германскиот лидер во вторникот, обраќајќи им се на пратениците во парламентот.
Вицеканцеларот Шолц, чија централно-левичарска Социјалдемократска партија во моментов води во анкетите пред општите избори на 26 септември, неодамна рече дека целосно вакцинираните луѓе се „заморчиња за оние кои досега се воздржуваа“. Тој додаде дека самиот бил вакциниран и дека треба да го следат и други.
Сепак, Меркел во вторникот јасно стави до знаење дека не се согласува со пораките на нејзиниот заменик.
– Ниту Шолц, ниту јас, ниту некој друг, не бевме заморчиња кога примавме целосно тестирани и одобрени вакцини во Германија – рече Меркел, која овој месец ја напушта политиката и со тоа ги завршува историските 16 години на власт.