Електричниот модел SU7 на Xiaomi продолжува добро да се продава, а компанијата веќе неколку пати го зголеми производството во обид да ја задоволи побарувачката. Но, се чини дека нема крај.
Производството на моделот SU7 беше зголемено од 10.000 единици месечно на 13.000, а потоа во октомври беа произведени повеќе од 20.000 автомобили.
Според новиот извештај од Кина, Xiaomi има намера да произведе 24.000 автомобили во ноември и декември или вкупно 48.000 пред крајот на годината. Ова е неверојатен раст, но и неопходно за Xiaomi да се справи со нарачките кои стануваат се побројни. Во моментов, времето на чекање за испорака на автомобил е 21 недела.
Објектот во првата фаза на Xiaomi има капацитет од 12.000 единици месечно, така што стапката на искористеност е близу 200 проценти благодарение на операциите во повеќе смени. Втората фаза е моментално во изградба и треба да биде отворена во јули или август следната година.
Кога тоа ќе се случи, производствениот капацитет ќе достигне 300.000 автомобили годишно, намалувајќи го притисокот врз испораките.