Меси: Финалето е се што сакавме, уште еден натпревар до исполнување на нашите соништа

Капитенот на аргентинската фудбалска репрезентација Лионел Меси изјави дека е пресреќен од пласманот во финалето на Светското првенство во Катар.

Аргентина вечерва ја совлада Хрватска со 3:0 во полуфиналето на Светското првенство.

„Многу сум возбуден по победата против Хрватска. Финалето е се што сакавме. Нашите навивачи и семејства не следеа во текот на целото Светско првенство. Доживеавме нешто посебно и ни треба уште еден натпревар за да ги оствариме нашите соништа. Побаравме навивачите да веруваат во нас и успеавме.Ова е луда група играчи“, изјави Меси по натпреварот.