Meta Platforms, компанијата која е сопственик на Facebook, планира да лансира апликација за микроблогирање наречена Threads, неколку дена откако извршниот директор на Twitter, Елон Маск, објави привремено ограничување на бројот на објави што корисниците можат да ги читаат на страницата на социјалната мрежа.
Threads, апликацијата за текстуален разговор на Instagram, се очекува да биде објавена во четврток и ќе им овозможи на корисниците да ги следат сметките што ги следат на платформата за споделување фотографии и да го задржат истото корисничко име, според информациите од App Store на Apple.
Лансирањето на Threads доаѓа набргу откако Twitter објави голем број ограничувања на апликацијата, вклучително и потребата за верификација за користење на TweetDeck.
Последните најави на Маск за справување со „скрапингот“ на податоци (симнување на податоци од мрежата без дозвола на раководството на компанијата) предизвикаа бурни реакции кај корисниците на Twitter, а експертите за реклами велат дека тоа ќе го поткопа новиот извршен директор Линда Јакарино, која ја презеде функцијата минатиот месец.
Meta не одговори веднаш на барањето на „Ројтерс“ за коментар за слично лансирање на Google Play Store.