Компанијата Meta отпушти дваесетина вработени во Лос Анџелес затоа што го искористиле нивниот бонус за оброци од 25 долари за да купат предмети за домаќинството, вклучувајќи лекови за акни, чаши за вино и детергент за перење.
Отпуштањата се случија минатата недела, само неколку дена откако компанијата започна со реструктуирање на тимовите во WhatsApp, Instagram и Reality Lab, одделот за зголемена и виртуелна реалност.
Ремонтот вклучува кратење на работни места и преместување, потврдија неколку луѓе запознаени со одлуките, што е знак дека неодамнешните напори на Марк Закерберг за зголемување на ефикасноста сè уште се во тек.
Како и многу технолошки компании, Мeta им нуди бесплатна храна на вработените како поволност во своето големо седиште во Силиконската долина. Вработените во помалите канцеларии без менза имаат можност да го искористат бонусот за достава на храна. Дозволени им се надоместоци од 20 долари за појадок, 25 долари за ручек и 25 долари за вечера.
Се верува дека оние кои биле отпуштени го злоупотребувале додатокот за храна во текот на подолг временски период, изјави извор за Фајненшл Тајмс. Некои ги здружија своите пари, а други ги испраќаа оброците што ги добиле дома, иако кредитите биле наменети за канцеларијата.
Оние кои само еднаш го прекршиле правилото на компанијата добиле опомена.
Во една објава на анонимната платформа, еден поранешен вработен во Меtа напиша дека го искористиле бонусот од 25 долари за производи како паста за заби и чај од аптека, додавајќи дека има денови кога не јаделе во канцеларија поради семеен ручек или вечера со пријателите и дека не сакале да го трошат бонусот.
Лицето кое изјави дека има плата од околу 400.000 долари во Меtа и работи ноќе и викенди, исто така изјави дека признале превид кога HR ја истражувале оваа практика, пред ненадејно да бидат отпуштени.
„Беше многу изненадувачки“, напиша таа.
Платформата потврди дека корисникот работи за одредена компанија, но не бара да го открие својот идентитет.
Меtа, додаваат медиумите, одби да ги коментира отпуштањата.
Сепак, компанијата најави поширок бран на отпуштања.
„Неколку тимови во Меtа прават промени за да обезбедат дека ресурсите се усогласени со нивните долгорочни стратешки цели. Ова вклучува преместување на некои на други локации или на различни позиции. Во овие ситуации кога затвораме позиција, работиме напорно за да отвориме други можности за засегнатите вработени“, изјавија тие.
Закерберг објави дека имало околу 21.000 отпуштања во два круга отпуштања во текот на 2022 и 2023 година, нарекувајќи ја година на ефикасност.
Исто така, ги укина проектите со низок приоритет во обид да го поттикне бавниот раст и да ја олесни загриженоста на инвеститорите за скапото обложување на метаверзумот.
Волстрит ги поздрави намалувањата заедно со обновениот фокус на вештачката интелигенција. Акциите на компанијата сега достигнаа историски максимум од 577 долари секоја.