Актерот најпознат по улогата на Чендлер во серијата „Пријатели“, Метју Пери, откри бројни детали од приватниот живот, но спомена и многу колеги.
Станува збор за книга за неговиот живот, наречена „Пријатели, љубовници и големата страшна работа“. Американските медиуми пишуваа дека во оваа книга има несоодветен дел, каде што се споменува Кијану Ривс, во кој Пери зборува за концептот на дрога и зависност кога ја споменува смртта на познати личности.
„Зошто оригиналните мислители како Ривер Феникс и Хит Леџер умираат, но Кијану Ривс сè уште оди меѓу нас? Ривер беше прекрасен човек одвнатре и однадвор и премногу убав за овој свет, се испостави. Секогаш изгледа како навистина талентираните момци да си заминуваат“, вели актерот во своите мемоари.
Ова предизвика бурни реакции во јавноста.
На друго место во книгата, тој повторно нападна колега додека расправаше за смртта на актерот и комичар Крис Фарли.
Луѓето беа толку збунети од случајните напади на познатиот актер, кој се смета дека е хуманитарец број еден, па многумина се прашуваа од каде доаѓа расправијата. Но, Метју откри дека тие пасуси нема да се појават во ниту еден нов примерок од книгата.
„Тоа беше злобна работа. Неговото име го извлеков затоа што живееме на иста улица. Јавно му се извинив. Идните верзии на книгата нема да го содржат неговото име“, рекол актерот во оваа прилика, според „Ентертејнмент викли“.