Manhart „се фати“ за уште еден моќен модел на BMW и го направи уште подобар. Тоа е моделот G82 M4 CSS, сега наречен Manhart MH4 900.
Основата за MH4 900 веројатно беше M4 Competition со 3,0-литарски линиски 6-цилиндричен битурбо мотор, кој развива 510 КС и 650 Nm вртежен момент. Сепак, Manhart инсталираше подобри турбополначи од марката TTH, нов интеркулер, ковани клипови и спојни прачки, а тука е и новата електроника на моторот, па „шестката“ сега испорачува 922 КС и 1.190 Nm вртежен момент. Модифициран е и 8-степениот автоматски менувач, кој може да поддржи 1.300 Nm вртежен момент.
Звукот не беше занемарен, па затоа Manhart инсталираше издувен систем Remus од не’рѓосувачки челик со вентили и четири завршетоци на цевките со дијаметар од 110 mm, кои можат да се добијат со карбонски или керамички карбонски завршетоци. Достапни се HJS каталитички конвертори, цевки за одвод и OPF бришачи, но овие компоненти немаат TÜV сертификација.
Интересно е што Manhart ги задржа карбон-керамичките сопирачки на BMW, кои се сè уште доволно моќни за да се справат со поголемата моќност. Суспензијата е надградена со адаптивни H&R пружини и други оптимизации.
Не треба да ги заборавиме новите Raffa бандажи со димензии 10,5 x 20 инчи напред и 11,5 x 21 инчи назад. Тие се опремени со гуми 285/30 ZR20 и 305/25 ZR21.
Автомобилот е опремен и со „боди кит“, а неговиот карбонски пакет вклучува хауба со GTR всмукувачки системи, нова решетка во форма на бубрези, спојлер, куќишта на страничните ретровизори, прагови, продолжетоци на браници, дифузер и троделен „лип“ спојлер. Сето ова има заедничка цел, а тоа е автомобилот да изгледа поагресивно и да биде постабилен при големи брзини.
Внатре има заштитен кафез во боја на шампањ. Нема излишни детали, па затоа преовладува спортска атмосфера со допир на екстраваганција.
Цената сè уште не е објавена, а треба да се има предвид дека CSL беше модел со ограничено производство и повеќе не се продава. Значи, треба да поседувате еден, да ги имате парите подготвени, а потоа да се обратите кај експертите во главната работилница на Manhart во Вупертал, Германија.