Microsoft веќе спроведуваат тестови со нова технологија, која ќе биде интегрирана во наредните верзии на прелистувачот Edge. Функцијата е достапна за програмерите и корисниците на Edge Canary каналот. Неговата главна цел е да понуди ефикасен начин за блокирање на компаниите, кои ја следат нашата Интернет активност. Ова е можно со запирање на тракерите, кои ја генерираат оваа информација за секоја сесија на корисниците.
Компанијата ќе ни понуди три различни режими на работа, кои се викаат соодветно „Balanced“, „Basic“ и „Strict“. Како што имињата сугерираа, со секој од нив можете да процените какво точно количество од несаканите содржини сакате да блокирате во веб прелистувачот. Веќе се одржуваат активни тестови со функцијата, а од Microsoft ветуваат дополнително усовршување на начинот на кој нè штитат од тракери во интернет, пријави Engadget.
За да ги тестирате способностите на оваа функција, потребно е да напишете „edge://flags#edge-tracking-prevention“ во лентата за адреси. Ако сè оди по планот, во рок од неколку недели конечната верзија ќе биде достапна за сите корисници. Microsoft вложува напори да предизвика интерес со ажурираниот Edge, кој веќе е базиран на веб-технологиите, кои ги користи Google Chrome.