Милатовиќ и формално избран за претседател на Црна Гора

Државната изборна комисија во Црна Гора денеска ги утврди конечните резултати од претседателските избори, јавува РТЦГ.

Според овие резултати, Јаков Милатовиќ освоил 58,88 отсто или 221.592 гласа, а Мило Ѓукановиќ 41,12 отсто или 154.769 гласови.

Со тоа и формално се потврди дека Јаков Милатовиќ е избран за претседател на Црна Гора.