Љубовта цвета, но правото командува. Џеф Безос, еден од најбогатите луѓе во светот, и неговата свршеница, телевизиската водителка Лорен Санчез, сè уште не можат да ја заокружат својата романса со венчавка – и тоа не поради недостаток на желба, туку поради еден исклучително сложен документ. Паровите вообичаено се подготвуваат за свадба со избор на цвеќиња, музика и храна. Но кога си „тежок“ 220 милијарди долари, како Безос, подготовките изгледаат сосема поинаку – сè се врти околу предбрачен договор.
Љубов на јахта од 500 милиони долари
Безос (61) и Санчез (55) се свршија во 2023 година, и тоа не било каде – туку на неговата суперјахта вредна 500 милиони долари, закотвена покрај Кан, на француската ривиера. Се чинеше дека свадбата е на повидок, но работите не одат толку брзо. Иако Безос, според блиски извори, „би се оженил уште утре“, неговиот правен тим има поинаков план. Пред свадбата мора да се потпише детален предбрачен договор кој ќе го заштити неговото богатство, имот, компании и приватност.
Што толку комплицира еден предбрачен договор?
За обичен човек, предбрачен договор е обично неколку страници. Но во случајот на Безос, станува збор за процес што трае со месеци и вклучува цели тимови од адвокати и финансиски советници – не само од Америка, туку и од други земји каде што тој има имот.
– Не е само прашање на пари, туку на сложеност – вели еден адвокат. – Треба да се усогласат различни закони, да се осигура дека договорот важи во сите земји каде што Безос има имот или интереси, да се вклучат приватни инвестиции, недвижности, компании… и сето тоа под строга доверливост.
Што го натера Безос да биде толку внимателен?
Во неговиот прв брак со Мекензи Скот, Безос немал предбрачен договор. Кога се венчаа во 1993 година, Amazon беше само мала онлајн книжарница. Но кога се разведоа 25 години подоцна, компанијата веќе беше империја. Разводот беше еден од најгласните во светот – Мекензи доби 38,3 милијарди долари и 4% од акциите во Amazon, што ја направи една од најбогатите жени на планетата. Денес нејзиното богатство се проценува на над 165 милијарди долари.
Овојпат, Безос нема намера да го повтори тој чекор без соодветна заштита.
Љубовта може да почека – законот не смее
Иако свадбата сигурно ќе биде спектакл што ќе го следи целиот свет, моментално сите очи се вперени во адвокатските тимови, а не во венчаницата. Љубовта меѓу Џеф и Лорен не е спорна, но правниот дел мора да се заврши до последен збор. Додека тие сонуваат за иднината, документите одлучуваат кога навистина ќе кажат: „Да“.