Министерот за внатрешни работи на Франција: Можни се големи тензии на денот на изборите

Министерот за внатрешни работи на Франција Жералд Дарманен изјави денеска дека се можни „многу големи тензии“ на денот на првиот круг од вонредните парламентарни избори, но оцени и дека нема ризик од терористички напади.

„Можно е да има исклучително големи тензии“, изјави Дарманен за француското радио „РТЛ“.

Тој рече дека властите се подготвуваат за „силно запалива“ ситуација за време на гласањето во недела, на 30 јуни, што е на помалку од еден месец пред почетокот на Олимписките игри во Париз.