Поранешниот австриски канцелар Себастијан Курц многу брзо си најде нова работа од моментот кога поднесе оставка. Светските медиуми пишуваат дека бил ангажиран во компанија од САД, па австрискиот политичар наводно со семејството ќе се пресели во САД.
Сепак, не е сосема јасно во која компанија оди Курц. За време на викендот беше најавено само дека ќе работи во САД, а според „Кронен цајтунг“, Курц за непозната раководна позиција ќе добива годишна плата од околу 500.000 евра и најверојатно ќе почне со работа во февруари следната година. Сепак, набрзо почнаа да кружат гласини дека компанијата во која ќе прејде е „Палантир“, компанија поврзана со шпионажа.
$PLTR Rumor has it @sebastiankurz might be joining Palantir soon. He resigned as Chancellor in Austria recently. https://t.co/cOidZ1ve3S @FinanceFelix https://t.co/XJ4oQD9rlh pic.twitter.com/eFqcgWyMGa
— Chad Palantard (@ChadPalantard) December 25, 2021
Палантир има контроверзно минато. Компанијата е обвинета за продажба на софтвер за надзор кој ја нарушува заштитата на податоците. Нејзини клиенти се ЦИА, ФБИ, НСА и Пентагон. Американското здружение за граѓански права (ACLU) објави дека „Палантир“ е „клучна компанија во шпионската индустрија“, пишува „Business Insider.de“. Компанијата пред неколку години ја ангажираше поранешната федерална менаџерка на австриското СПО, Лаура Рудас.
Од друга страна, не се мал бројот на медиумите од Австрија кои пишуваат дека тешко дека Курц ќе оди директно во „Палантир“. Ангажмани со компании на берзата обично се исклучуваат се додека има истраги против поранешниот канцелар, пишува „Die Presse“.
Според други информации, поранешниот канцелар сигурно ќе се префрли кај Питер Тил, коосновач на „Палантир“, кој сега е инвеститор. Курц бил во контакт со него во минатото.
Тил, милијардер роден во Франкфурт, стана познат како ко-основач на услугата за плаќање „PayPal“. Подоцна стана активен инвеститор и голем политички донатор. Тил, на пример, инвестираше милиони во изборната кампања на Доналд Трамп.
Media reports in Austria say its shamed-out-of-office former PM Sebastian Kurz has a new job in Silicon Valley, according to one newspaper at … Palantir. https://t.co/6q3CqyT5J4
— Jeff Jarvis (@jeffjarvis) December 26, 2021
Како што пишува „Presse“, друга можност е Курц да работи за поранешниот шеф на Гугл, Ерик Шмит, кој моментално работи како консултант.