343
Пејачката Били Ајлиш за првпат ја покажа својата огромна тетоважа која се протега од бутот до стомакот и за која тврдеше дека никогаш нема да ѝ ја покаже на јавноста.
Позирајќи за британското издание на Вог, 19-годишната пејачка носеше корсет „Бурбери“ во боја на кожа, провиден, чорапи и капут, а преку проѕирниот дел се гледаше фамозната тетоважа.
Таа сè уште не ја откри симболиката на тетоважата, но некои нејзини обожаватели на социјалните мрежи шпекулираат дека станува збор за голем змеј.
Пејачката ја криеше тетоважата од јавноста најмалку четири месеци, а откако ја направи, рече дека никогаш нема да им ја покаже на фановите.