Мицкоски: Дијаспората не се попишува, таа само се евидентира

„Јас не знам што зборува министерот Маричиќ, но дијаспората не се попишува, тоа е евиденција. Според Еуростат, се попишува само резидентното население, односно населението што во моментов се наоѓа тука“, вели лидерот на ВМРО-ДПМНЕ, Христијан Мицкоски за емисијата „Клик плус“.

Според него, во резидентното население спаѓаат и граѓаните на кои 12 месеци наназад живеалиштето им било тука.

„Ако поминале 12 месеци и еден ден, тогаш тие не спаѓаат во резидентно население“, вели Мицкоски.

Тој додава дека тоа е позицијата на неговата партија и апсолутно таков тип на податоци, во кое дијаспората ќе влегува во пописот, нема да ги прифатат.