Мицкоски: Непријатно ми е јас да барам помош за вакцини од Орбан и Јанша во име на државата

„Би се вакцинирал веднаш ако дојдат вакцините, немам никакви преференци. Со секоја вакцина која ќе дојде во државата“, вели лидерот на ВМРО-ДПМНЕ, Христијан Мицкоски.

Според него, ние веќе скоро имаме колективен имунитет и ако вакцините дојдат за 3-4 месеци, тогаш не ни се потребни.

„Непријатно ми беше да разговарам со Орбан и Јанша за помош со вакцини во име на државата. Си имаме ние премиер и министер и тие треба да разговараат, да упатат официјално барање доколку сакаат“, вели Мицкоски на прашањето дали побарал помош од унгарскиот и словенечкиот премиер за да ни донираат одредена количина на вакцини.