Мицотакис се заблагодари на земјите што испратија помош во гаснењето на пожарот

Грчкиот премиер Кирјакос Мицотакис им се заблагодари на сите земји што испратија помош во борбата против пожарите кои со денови горат во таа земја.

– Во име на грчкиот народ, сакам да изразам искрена благодарност до сите земји што испратија помош и средства за да ни помогнат во борбата против шумските пожари. Ви благодарам што сте со Грција во овие тешки времиња – напиша Мицотакис синоќа на Твитер, пренесe Катимерини.

На Грција и помогнаа 11 членки на Европската унија, Србија, Египет, Израел, Кувајт, Молдавија, Катар, Швајцарија, Украина, Обединетите Арапски Емирати, Обединетото Кралство и САД.