333
Воените власти во Мјанмар ги предупредија демонстрантите дека им се заканува казна затвор од 20 години доколку се спротивстават на вооружените сили.
Се закануваат долгорочни затворски казни за секој што ќе се најде дека поттикнува „омраза и презир“ кон водачите на воениот удар, објавија воените власти на Мјанмар, пренесува Би-Би-Си.
Измените на законот беа објавени во време кога оклопни возила патролираа по улиците на градовите во Мјанмар, каде илјадници граѓани демонстрираа во изминатите неколку дена, барајќи ослободување на премиерот Аунг Сан Су Чи и враќање на демократијата во земјата.