На извозот на руска сурова нафта нема да влијае ограничувањето на цената на горивата воведени од земјите-членки на Г7, предвидува Меѓународниот монетарен фонд (ММФ).
– Со сегашната горна граница на цената на нафтата поставена од Г7, не се очекува значително да се влијае на извозот на руската сурова нафта бидејќи руската трговија е пренасочена од земјите што воведоа санкции кон земјите што не ги воведоа, се наведува во прогнозата на ММФ.
Од 5 декември, Европската унија воведе ценовно ограничување за испорака на сурова нафта по морски пат од Русија на ниво од 60 долари за барел, а од 5 февруари и на нафтените деривати. Таа граница ќе почне да се применува паралелно со санкциите на ЕУ за купување на руска нафта која се превезува со танкери.
Како одговор на тоа, Русија го забрани снабдувањето со нафта на трети страни од 1 февруари, во случај во договорите директно или индиректно се размислува за употреба на механизми за одредување на граничната цена.