Американски турист (23) од Балтимор преживеал пад во кратерот Везув откако се обидел да се фотографира.
Како што изјавија од полицијата во Неапол за локалните медиуми, еден турист заедно со неговото семејство стигнал до врвот на Везув во текот на викендот по забранета патека, а кога стигнале до врвот на вулканот познат по уништувањето на римскиот град Помпеја, момчето по име Филип Керол посегнал по својот телефон за да направи селфи на врвот на вулкан висок 1.218 метри.
Кога телефонот му паднал во кратерот, Филип се свртел и паднал.
„Утринава, од причини кои допрва треба да се утврдат, турист заедно со семејството тргна по забранета патека, стигна до работ на кратерот и падна во Везув“, изјави Џенаро Ламета, владин претставник.
Паоло Капели рече дека тим водичи од другата страна на кратерот користеле двогледи за да видат дека Керол навистина „се лизнал во кратерот и бил во сериозна неволја“.
„Четворица водичи веднаш тргнаа и кога пристигнаа на местото на настанот, еден од нив се спушти 15 метри за да го спаси туристот во неволја“, рече Капели.
NEW: 23-yr-old American tourist rescued after falling into Mt Vesuvius crater. Local officials tell @Lavanga the man dropped his phone while taking a selfie then tried to recover it. The man & his family were on part of a trail closed to tourists when this happened. pic.twitter.com/BwhK1TZeZV
— Shawn Reynolds (@ShawnReynolds_) July 12, 2022
Тој исто така истакна дека Керол можел да падне од височина од 300 метри во кратерот.
На фотографијата објавена од Ламета на социјалните мрежи се гледа маж со модринки на нозете, рацете и грбот, како и крвави гребаници на лактите.
Ламета напишал дека човекот бил во несвест кога го пронашле водичите. Полицијата изјави за Си-Ен-Ен дека туристот бил лекуван, но одбил да оди во болница.
Речиси два милениуми по смртоносната ерупција во 79 година од нашата ера, која ги остави градовите Помпеја, Оплонтис и Стабија покриени со пепел, планината Везув останува една од најпопуларните туристички атракции во земјата.
Додека Везув е технички сè уште активен вулкан, последната ерупција се случи во 1944 година, оттогаш вулканот е неактивен. Највисоката точка на вулканот е околу 1.277 метри со кратер длабок 304 метри.