174
Москва не го добила барањето на Вашингтон за телефонски контакт меѓу рускиот министер за надворешни работи Сергеј Лавров и американскиот државен секретар Ентони Блинкен, соопшти руското Министерство за надворешни работи.
„Покрај медиумските извештаи, немаше барања. Се водиме од вообичаената дипломатска практика, а не од мегафонската дипломатија“, се вели во соопштението на руското Министерство, пренесува ТАСС.
Блинкен рече дека за неколку дена планира да разговара со Лавров за прашањата за извозот на жито од Украина и за можното ослободување на американските државјани притворени во Русија.