Руските единици ја презедоа контролата врз градот Угледар во ДНР, соопшти Министерството за одбрана на Русија.
„Поради одлучните дејствија на единиците на воената група „Восток“, ослободено е местото Угледар Доњецка Народна Република“, се наведува во соопштението.
Претходно, советникот на шефот на ДНР, Јан Гагин, за РИА Новости изјавил дека руското знаме е поставено на градската администрација, но дека е рано да се зборува за ослободување на градот.
Ден претходно вториот советник на началникот на ДНР Игор Кимаковски изјави дека до ослободувањето на Угледар остануваат уште само неколку дена и дека непријателот е опколен.
Градот Угледар, кој е на околу 60 километри од градот Доњецк, беше едно од најважните упоришта на украинските вооружени сили и во фокусот на тешките борби со месеци.
Градот се наоѓа на рид, во близина на раскрсница на патиштата што водат до градовите Волноваха, Докучаевск и Краснаја Полјана и затоа претставуваше клучна логистичка точка.
Русите очекуваат ова да ги оддалечи украинските војници од Доњецк и да и овозможи на руската армија да напредува кон провинцијата Запорожје и градот Курахово, област преку која одредени единици на вооружените сили се снабдуваат од Украина.
Украинските медиуми претходно објавија дека вооружените сили на Украина ја потврдиле загубата на градот Угледар и издале наредба за повлекување на војниците.
Како што наведоа, украинската оперативна команда „Хортика“ соопшти дека ударите на руските вооружени сили на крилата ја „исцрпиле одбраната“, поради што украинските единици се повлечени од Угледар.