Motorola подготвуваат премиерата на уште еден паметен телефон кој има импресивна камера и поддржува 48-мегапикселна резолуција. Компанијата веќе го претстави атрактивниот Moto Z, кој исто така има сличен објектив. Од mspoweruser не информираат дека веќе се спроведуваат тестови со смартфон, чие официјално име ќе биде Motorola One Pro. Најинтересно е дека ова ќе биде првиот уред со четири камери на грбот на компанијата.
Ова е главната разлика помеѓу Motorola One Pro и веќе претставениот Moto Z и Moto Z4. Сè уште немаме информации за техничките спецификации на другите три камери. Се очекува уредот да биде поставен во премиум сегментот и да работи под Android One. Toва значи дека ќе добиете максимално брзо софтверски надградби и закрпи за безбедност за најмалку три години. Motorola One Pro ќе биде претставен пред крајот на годината.
Првиот смартфон со четири камери на задниот панел на компанијата ќе има 6.2-инчен екран со „waterdrop“ слот во горниот агол и вграден сензор за отпечаток во екранот. Брзината на работа ќе се обезбеди од Qualcomm Snapdragon 855 процесор кој е дополнет од 6GB RAM. Во долниот дел ќе има класичен 3,5 мм аудио приклучок и USB Type-C конектор, а вградените звучници се над екранот. Motorola One Pro ќе биде достапна во најмалку три бои, но се уште не ја знаеме цената.