Примателите на граѓански додаток во Германија би можеле да се појават како најголеми добитници од распадот на „Семафор-коалицијата“. Според германските медиуми, долгорочно невработените лица кои ја добиваат оваа социјална помош не мора да се плашат од казна.
Министерот за социјални работи Хубертус Хеил (52, СПД) всушност беше принуден да спроведе санкции за примателите на социјална помош кои намерно избегнуваат состаноци и понуди за работа. Целта: „Повеќе посветеност, повеќе интеграција на пазарот на трудот и повеќе правичност во социјалната држава“, рече претходно Хеил.
За измените требаше да одлучува Бундестагот во вообичаената законодавна процедура и тие требаше да стапат на сила на крајот на годината.
Но: Поради паѓање на Владата нема да има ниту една од споменатите казни!
Владата донесе одлука за санкции
Кон средината на јули 2024 година „Семафор-коалицијата“ донесе одлука за обврски за соработка и санкции за оние кои одбиваат да работат.
Секој што намерно ќе избегне учество во барањето работа, ќе добие намален надомест за 30 отсто за три месеци.
Дури и да не аплицирате за работа, надоместокот требаше да се намали за 30 проценти за еден месец.
Отсега „работата на црно“ не требаше да биде „само“ кривично дело, туку требаше да се казнува со укинување на граѓанскиот додаток. Агенциите за вработување требало да бидат обврзани да пријават сомнителна незаконска работа до царинската управа.
Но, поради пропаѓањето на „Семафор-коалицијата“ мерките нема да се спроведат.
Нема мнозинство во парламентот
„Оние кои не учествуваат во процесот на вработување немаат право на безусловна поддршка. Сојузниот кабинет донесе одлука за соодветни законски измени на почетокот на октомври“, изјави за германските медиуми портпаролот на министерот Хеил.
Мерките требаше да бидат одобрени од парламентот. Сепак, имајќи предвид дека владата на Хеил повеќе нема мнозинство во парламентот, добитниците на надомест можат задоволно да ги тријат рацете, бидејќи засега нема да има санкции.
Сепак, санкциите за таканаречените „целосни одбивачи на работа“ се веќе имплементирани: како дел од буџетското законодавство на почетокот на 2024 година, беше воведено одземање на стандардните барања до два месеци за намерно и неосновано одбивање работа.