ИТАЛИЈАНСКИОТ бенд Maneskin настапи на MTV Video Music Awards. Како и обично, членовите на бендот се појавија во провокативни изданија. Дамијано носеше панталони кои го покажуваа неговиот гол заден дел, додека басистката Викторија де Анџелис носеше маичка која покриваше само една брадавица, додека на другата имаше налепница.
Сепак, само неколку секунди од нивниот настап, камерите не го покажаа бендот на сцената, туку празните седишта и тоа траеше околу 40 секунди. Page Six пишува дека MTV го цензурирала нивниот настап затоа што на Викторија и паднал горниот дел, оставајќи ги целосно откриени градите.
Викторија отиде до предниот дел на бината додека толпа танчери го опкружуваа бендот. Сите скокаа и танцуваа, а нејзиниот горен дел од стајлингот падна околу половината. Таа само продолжи да свири бас после тоа, предизвикувајќи камерите да се вртат околу остатокот од бендот, избегнувајќи да ја покажат неа.
Откако видеото од настапот од доделувањето беше објавено на официјалниот Јутјуб канал на MTV, фановите на Maneskin ја критикуваа одлуката на телевизијата.
„Беа неверојатни, не ми се верува дека можевме да видиме само мал дел од настапот“, „Организацијата знаеше за облеката и им дозволи да настапат, но кога облеката на Викторија падна, режисерот доби срцев удар. Вие им го уништивте моментот“, „Навистина? Дали така се справувате со ситуацијата? Нема стратешко позиционирање на камерата, само сечење и уништување на изведбата“, „MTV нема проблем да го покаже Дaмијанo без маица, но кога станува збор за Викторија, тоа е цензурирано? Не дека таа би имала проблем со тоа, секогаш го славела своето тело. MTV, во која година сме, сериозно?“ се само дел од критиките.