Џастин Бибер боледува од ремзи хантовиот синдром, кој предизвикува парализа на лицето, а лекарите истакнуваат дека му претстои долг пат за да се опорави.
Џастин Бибер можеби ќе треба да почека и до шест месеци за целосно да се смири неговата парализа на лицето, а лекарите предупредуваат дека ремзи хантовиот синдром, кој му бил дијагностициран, може да предизвика и губење на слухот.
Сепак, како што истакнаа, едно му оди во прилог, а тоа е фактот што е млад и дека болеста навреме била откриена.
Бибер неодамна јавно ја откри својата дијагноза, велејќи дека десната страна на лицето му е парализирана, поради што не може да трепка, да се насмее или да ги движи ноздрите. Оттогаш, тој ги откажа настапите на својата светска турнеја.
Во видеото објавено на Инстаграм, тој вели:
– Ќе се врати во нормала, само треба време. Но, се надевам дека се ќе биде добро. И јас верувам во Господ и верувам дека сето тоа е со причина и … не сум сигурен што е причината сега, но во меѓувреме ќе се одморам.