Во овие модерни времиња на брз проток на информации, луѓето не комуницираат со анонимни производи, туку градат односи со брендови во кои ги идентификуваат сопствените вредности. За да опстане еден бренд, мора постојано да ги исполнува дадените ветувања и да испорачува високо и постојано ниво на квалитет. Брендот не се создава преку ноќ, преку една маркетинг кампања; тоа бара време, трпение, инвестиции, многу напорна работа и паметна стратегија, вели Живко Мукаетов, Генерален директор на „Алкалоид“ во интервју за The Region.
Во однос на детската козметика, по која компанијата е препознатлива на овие простори, вели дека пазарот во регионот се чини дека е презаситен.
-Новите брендови доаѓаат и си одат, главно без да го исполнат тоа што го ветуваат. Нашиот познат бренд Becutan минатата година прослави 45 години од своето постоење. Од само пет производи во портфолиото на Becutan на почетокот, денес тоа содржи 60 видови производи со повеќе од 100 различни форми, сите клинички или дерматолошки тестирани и развиени во соработка со педијатри, неонатолози и дерматолози. Генерации пораснаа со овој бренд. Нема поголемо задоволство од тоа кога некој производ или бренд всушност станува дел од животот на луѓето, истакнува Мукаетов.