Суперавтомобилот T.50 од GMA (Gordon Murray Automotive) официјално влезе во производство.
За погонот се грижи V12 атмосферски мотор, кој го обезбеди Cosworth. Во вестите се наведува дека споменатиот мотор ќе може да врти до 12.100 вртежи во минута, како и дека ќе има 650 КС.
Менувачот е мануелен Xtrac со шест брзини, додека погонот е на задните тркала. Тркалата се нормално 19 и 20 инчи, со гуми Michelin Pilot Sport 4 S, додека за запирање се грижат сопирачките со карбон-керамички дискови од 370 mm напред и 340 mm назад.
T.50 е долг 4380 mm и широк 1850 mm и има место за тројца патници (возачкото седиште е централно поставено како McLaren F1), два дигитални екрани, волан од карбонски влакна и аудио систем со 10 звучници.
Благодарение на неговата лесна конструкција од јаглеродни влакна, T.50 тежи само 986 kg.
Внимание привлекуваат и LED светлата, стаклениот покрив, отворот за воздух на покривот, задниот дифузор и вратите што се отвораат.
Планот е да се произведе ограничена серија од само 100 примероци, и тоа по цена од 2,36 милиони фунти по примерок (без данок).
Откако ќе заврши производството на патните автомобили, ќе биде направена серија од 25 примероци само за патека именувани по Ники Лауда.