Состојки:
– 1 кг тиквички
– 500 гр мешано мелено месо
– 400 гр моцарела
– 2 главици кромид
– 4 јајца
– 400 мл кисела павлака
– 200 мл пасирани домати
– сол, бибер и други зачини по желба
– масло за пржење
Подготовка:
Тиквичките излупете ги и исечете ги по должина. Ставете ги во поголем сад, посолете ги и оставете ги да отстојат додека не пуштат вода. После тоа исцедете ги и исушете ги на хартиени крпи.
Кромидот ситно се сечка и се пржи на малку масло.
Додадете го месото и пржете заедно со кромидот додека не добие убава боја. Додадете сол, бибер и други зачини по желба.
Потоа додадете ги пасираните домати и гответе на умерена температура додека смесата малку не се згусне.
Јајцата се матат и се додава павлаката, се убаво се меша, а моцарелата се сече на тенки кришки.
На дното на подмачкан сад за печење ставете ред тиквички, врз тиквичките намачкајте три лажици од смесата со месо и домати, па покријте со малку смеса од јајца и павлака и ставете ја врз моцарелата.
Повторете ја постапката додека не го потрошите целиот материјал.
Ставете ја мусаката во рерна загреана на 180 степени и печете околу 40 минути.