Марија Браво, активистка и поранешна партнерка на холивудскиот актер Брус Вилис, откри детали за неговата здравствена состојба – наведувајќи дека холивудската ѕвезда се чувствува се полошо и полошо.
Пред речиси една година светот беше шокиран од веста дека еден од најдобрите акциони херои на големото платно се повлекува од филмскиот свет. На Брус Вилис првично му беше дијагностицирана афазија, болест која предизвикува губење на способноста за зборување, за подоцна да му биде дијагностицирана ретка форма на деменција.
Вилис е опкружен со семејството, сопругата Ема и ќерките, како и со поранешната сопруга Деми Мур. Сопругата на Брус, Ема често споделува детали на социјалните мрежи за борбата со која се соочува нејзиниот славен сопруг, а сега се огласи и поранешната девојка на Вилис, Марија Браво.
Брус и Марија беа во врска во деведесеттите. Тие се запознале во неговиот ресторан „Планет Холивуд“ и биле во врска 2 години. Марија сега за медиумите откри дека на хуманитарен настан се зборувало и за неговата здравствена состојба и дека потоа разговарала со сопругата на актерот.
„На него му е сè полошо и полошо. Не е добро. Зборував со неговата сопруга Ема и за жал тоа е прогресивна болест. Му испраќам многу позитивна енергија и љубов“, навела Марија.