Демохристијанскиот кандидат за канцелар на ЦДУ/ЦСУ, Фридрих Мерц, предизвика жестока политичка дебата, но и жестоки критики од левицата, со неговото барање да се забрани влезот на сите илегални мигранти во Германија на сите германски граници.
Сепак, повеќето Германци јасно го поддржуваат лидерот на ЦДУ по ова прашање. Ова го покажуваат и резултатите од истражувањето на Институтот за истражување на јавното мислење ИНСА за најчитаниот германски медиум „Билд“.
Дури 66 отсто од испитаниците, две третини од нив, го поддржуваат предлогот на Мерц за „де факто забрана за влез“ во Германија за сите лица без валидни документи. Само 19 отсто, или секој петти, го отфрлаат планот на Мерц.
Барањето на ЦДУ/ЦСУ и ФДП за депортации во Авганистан наиде на големо одобрување кај германското население.
Околу 68 отсто од испитаниците рекле дека поддржуваат депортации во земја со која управуваат талибанците, иако таа не е класифицирана како безбедна земја на потекло. Само 19 отсто од испитаниците ги одбиле таквите депортации.
Во новиот предлог на Христијанско-демократската унија (ЦДУ/ЦСУ), кој бара промена на миграциската политика, за заштитата на границите се наведува дека „секој што сака да влезе во Германија од земја членка на Европската унија или од Шенген област и сака да поднесе барање за азил во Германија нема да биде загрозена“.
„Билд“ пишува и дека „де фактото затворање на границите на Германија за илегални мигранти и баратели на азил може да резултира со драстичен пад на илегалната миграција во Германија и да доведе до тоа и другите земји од ЕУ да ги одвратат мигрантите“.
Најчитаниот германски медиум, исто така, во посебен извештај наведува дека резултатите од оваа анкета се „шок за СПД“, но и за гласачите на Зелената партија кои „наеднаш се потресени од предлогот за запирање на илегалната миграција на демохристијанскиот кандидат за канцеларот Фридрих Мерц“.
Сето ова се случува неколку недели пред германските предвремени избори.