Социјалната мрежа Bluesky продолжува да доживува импресивен раст, а најновите податоци покажуваат дека платформата добила повеќе од три милиони нови корисници за само една недела, со што вкупниот број достигна повеќе од девет милиони. Овој ненадеен скок дојде откако бразилскиот суд го забрани X (поранешен Твитер), што ги натера корисниците да бараат алтернативни платформи. Bluesky е децентрализирана социјална апликација создадена од поранешниот извршен директор на Twitter, Џек Дорси и развивана истовремено со X.
Bluesky моментално е рангиран на второто место во листата на најпопуларните бесплатни апликации за iPhone во Бразил, веднаш зад конкурентната апликација на Мета, Threads. Овој успех покажува колку забраната X влијаеше на бразилската дигитална сцена и ја отвори вратата за нови платформи како Bluesky.
Bluesky ги увери сите корисници дека поддршката доаѓа „многу брзо“, што може дополнително да го подобри корисничкото искуство и да привлече уште повеќе луѓе. Платформата започна како иницијатива поддржана од Твитер за создавање отворен социјален протокол, но оттогаш стана независен стартап поддржан од странски инвеститори. Целосно ја отвори својата платформа за јавноста во февруари оваа годин, а дотогаш, до Bluesky можеше да се пристапи само со покана.
Но, растот на Bluesky не е без свои предизвици. Во претходните извештаи за раст, компанијата нагласи дека дури 85 отсто од новите корисници доаѓаат од Бразил, што претставува огромен прилив на платформата за кратко време. Ова ненадејно зголемување на корисници резултираше со повремени технички проблеми, но компанијата активно работи на нивно решавање за да обезбеди непречено искуство за сите корисници.
Bluesky моментално е позициониран како главна алтернатива на X, а со дополнителни функционалности и континуиран развој, би можел да стане еден од клучните играчи на пазарот на социјалните мрежи. Останува да се види како платформата ќе се справи со предизвиците на брзиот раст и ќе ја задржи довербата на своите корисници во иднина.