Министерството за правда му даде право на Мел Гибсон повторно да поседува пиштол по пресудата за семејно насилство во 2011 година.
Според странските медиуми, државната обвинителка Пем Бонди одобрила враќање на правото на носење оружје на актерот заедно со уште девет лица.
На Гибсон, кој во јануари беше именуван за „специјален амбасадор“ во Холивуд од страна на американскиот претседател Доналд Трамп, заедно со Џон Војт и Силвестер Сталоне, ќе му биде дозволено повторно да поседува огнено оружје во зависност од државните закони.
Инаку, актерот живее во Невада, која им забранува на престапниците да поседуваат пиштоли, но бидејќи пресудата му била прекршочна, правото на поседување пиштоли е вратено.
Дебатата за правата на Гибсон за оружје го привлече вниманието на Министерството за правда, а администрацијата на Трамп ја отпушти адвокатката за помилување, Елизабет Г. Ојер, откако таа изрази загриженост дека актерот имал дозвола да поседува огнено оружје.
„Враќањето на пиштолите на насилниците е сериозна работа што, според мое мислење, не е нешто што можам лесно да го препорачам, бидејќи има реални последици што доаѓаат од поседувањето огнено оружје за луѓето кои имаат историја на семејно насилство“, рече таа тогаш.
Висок претставник на Министерството за правда негираше дека нејзиното отпуштање е поврзано со дебатата за правата на оружјето на Гибсон.
Одделот за правда неодамна објави нови прописи кои ги враќаат правата за оружје на одредени луѓе со казнени пресуди сè додека тие ја „заслужиле можноста“ повторно да поседуваат пиштол.
Потсетуваме, Гибсон не ја оспори прекршочната пријава за претепување на поранешната девојка Оксана Григориева. Потоа беше осуден на 36 месеци условна казна и општествено корисна работа и советување.