Од денес и официјално е отворена скијачката сезона на Пониква, откако изминативе денови, снегот успеа да ја постигне посакуваната површина на ски-патеките.
На Пониква, оваа година се во функција се двата ски-лифта, што пред почетокот на сезоната беа целосно реконструирани, а отворени се и сите угостителски капацитети и одморалиштето на МВР за сместување на гостите.
„Нашите вработени веќе ги санираа оштетувањата на ски-патеката број 1 што беа направени со возила од страна на несовесни граѓани. Снегот е со дебелина од петнаесетина сантиметри, што е доволно за љубителите на скијањето. Во зависност дали се почетници или во напредна категорија, можат да ја користат и патеката број 3 која е одлично подготвена, а функционира и ски-лифтот“, посочи управителт на фирмата концесионер, Благој Манев.
Инаку, за сместување на гостите во текот на продолжениот празничен викенд на Пониква се нудат и дел од стотината приватни викендички, а на располагање им стојат и околу 200 легла во неколкуте угостителски објекти.