Спроведената минатата недела голема воена вежба става почетокот на серија од слични вежби оваа година, изјави рускиот претседател Владимир Путин, цитиран од американските медиуми.
Тукушто завршија вежбите кои зафатија огромен регион од Арктикот до Црното Море. Во нив учествуваа 80 илјади војници, околу 100 воени бродови и над 220 авиони.
АП забележува дека сегашните вежби се одржуваат во услови на остри тензии меѓу Русија и Западот поради Украина.
Министерот за одбрана Сергеј Шојгу го известо вчера Путин дека спроведените вежби имале за цел да ја проверат подготвеноста на новосоздадената воена група во реонот на Арктикот, како и способноста на вооружените сили брзо да распоредат трупи на а оперативни активности.
Истовремено САД почнаа воени вежби во Бугарија и Романија во рамките на операцијата “Атлантска решителност”, соопшти полк. Стивен Ворен од Пентагон. “Состав од 173-та воздушно-десантна бригада на Армијата на САД пристигна во градот Галац, каде започнаа заеднички воени вежби со романски војници.
Во исто време во Бугарија се одржаа наставни маневри со учество на две единици на командата на копнените сили на САД во Европа “, изјави Ворен.
Руската државна новинска агенција ТАСС потсетува дека минатата недела вооружените сили на САД и Полска одржаа заеднички воени вежби со цел одработување на трансферот на системи за противракетна одбрана “Патриот”.
Според полскиот министер за одбрана Томас Шемонјак “во наредните месеци двете земји имаат намера да комуницираат во сферата на одбраната не помалку активно”.
Влегувањето на Финска во НАТО би било логичен чекор во сферата на политиката на безбедност на земјата, рече нејзиниот премиер Александар Стуб, цитиран од агенциите.
Тој зборуваше вчера на состанокот на “Општеството Паасикиви” – обединување на надворешнополитички експерти.
“Сметам дека членството во НАТО за продолжување на долгорочната надворешна политика и политиката на безбедност, за дел од западната интеграција на нашата земја, е следниот логичен чекор”, истакна премиерот.
Според Стуб новата финска влада, која ќе биде формирана по парламентарните избори во април, треба да го анализира прашањето што би и донело на земјата влегување во западниот одбранбен сојуз.
Би било добро ова анализа да се одржи заедно со Шведска, додаде тој.