Сопругот на Лепа Брена, поранешниот тенисер и српски бизнисмен Слободан Боба Живојиновиќ е обвинет за измама при препродажба на брод, а за ова кривично дело е предвидена казна затвор од две до 10 години и парична казна до 10.000.000 динари.
По завршување на истрагата поведена поради двојната продажба на бродот „Першинг 54“ во вредност од 115.000 евра, Третото основно јавно обвинителство Белград поднесе обвинителен акт против Слободан Боба Живојиновиќ (62), како и против Н.Р. (39) за кривично дело измама во соизвршителство и против обвинетиот Александар Папиќ (37) за кривично дело измама.
Имено, во обвинителниот акт се вели: „Обвинетите се оправдано сомнителни дека во периодот од 08.03.2024 до 05.06.2024 година, во Белград, ГО Нови Београд, обвинетите С.Ж и Н.Р., имале намера да се стекнат со противправна имотна корист во износ од 115 илјади евра.
Обвинителството во соопштението наведува и дека за кривичното дело измама, за кое се товарат обвинетите, се казнува со затворска казна од две до 10 години и парична казна која за делата од личен интерес може да изнесува 10 милиони динари (околу 85 илјади евра).
Адвокатот на Боба Живојиновиќ, Миша Петровски, претходно ја коментираше истрагата за споменатиот случај и појасни за што се работи.
„Боба има два брода, по што решил да го продаде помалиот. Станува збор за постар брод од 1999 година, долг 15-16 метри. Беше паркиран во марината во Херцег Нови, но регистрацијата беше хрватска. Засегнатиот Н.Р. дошол кај Живојиновиќ како купувач. Се договориле да го исплатува на рати. Тој го потпишал и полномошното дека Н.Р. може да го вози. Кога го платил бродот, требало да се склопи договор кој требало да биде заверен во Белград. Тука започнува делот за манипулација, Боба еднострано го потпишува договорот сметајќи дека Н.Р. претставник на компанијата „Харвинтер“ и дека договорите, поради некоја причина, мора да бидат заверени во Црна Гора. Боба тогаш не видел ниту еден од другите луѓе од таа фирма, сметајќи дека Н.Р. нивниот претставник“.
Тој рече дека после тоа на сметката на Живојиновиќ биле легнати 35.000 евра, кои неговата асистенка ги подигнала и му ги предала на Ранковиќ, кој во меѓувреме рекол дека регистрацијата на бродот мора да биде за физичко лице и дека Боба ја потпишал.
„Излегува дека Н.Р. го препродал бродот за друг износ и го довел Бобо во заблуда дека е застапник на таа компанија“, изјави адвокатот.