Досега само четири репрезентации се пласираа на Светското првенство во 2026 година, а меѓу нив е и земја која се најде на листата од 10 земји за кои владата на Доналд Трамп предложи целосна забрана за патување во Соединетите Американски Држави.
Соединетите Американски Држави ќе бидат кодомаќини на Светското фудбалско првенство во 2026 година со Мексико и Канада, првото што ќе го организираат три земји. САД секако ќе бидат примарен домаќин и најмногу натпревари ќе се играат во оваа земја.
Сепак, списокот со забрана за патување може да спречи една од земјите да учествува на Светското првенство. По преземањето на својот втор мандат, Доналд Трамп се фокусираше на миграцијата, а неговата влада сега предложи листа од 43 земји за забрана на патување во САД.
Овие земји се поделени во три посебни групи. Во првата од нив, за која би била изречена целосна суспензија на визите, се наоѓа репрезентацијата која веќе се пласираше на Мундијалот.
Тоа е Иран, кој заедно со Аргентина, Јапонија и Нов Зеланд е една од четирите репрезентации кои веќе се пласираа на Мундијалот преку квалификациите.
Иран е во првата група земји за кои се планираат да се воведе целосна суспензија на визите заедно со Авганистан, Бутан, Куба, Либија, Северна Кореја, Сомалија, Судан, Сирија, Венецуела и Јемен.
Од наведените земји, единствена што можеше да се најде на Мундијалот е Венецуела, која жестоко се бори во јужноамериканските квалификации за СП.
Во тој случај, ФИФА би морала да води сериозни преговори со Трамп и да ја реши ситуацијата. Вреди да се напомене дека покрај САД, домаќини на Мундијалот се уште две земји, па и во тој случај може да се најде решение Иран да игра во тие земји.
За потсетување, Русија не може да се натпреварува поради суспензијата на ФИФА и УЕФА поради воената агресија врз Украина, додека Еритреја е исфрлена и нема пласман бидејќи нема одиграно натпревар од почетокот на 2020 година.