Секоја жена сонува да биде пример и икона на убавината. Обично овој процес го следи принципот “предај натаму” – сите модерни дами го следеа примерот на своите претходнички и позајмуваа некои од главните црти.
Тајните на успешната афирмација на слична позиција се крие во вештината да се комбинира она што го гледаш и ти се допаѓа со своите предности.
Бидејќи луѓето во различните народности се одликуваат со свои традиции, кои го формираат вкусот и желбите во изгледот, нормално е во секоја држава да има еден тип, кој е најпочитуван.
Ви ги претставуваме познатите личности кои се на почит во различните држави и успеаја да се утврдат како икони на убавината.
САД
Тоа е земја на неограничени можности, различноста и мултикултурното население. Токму поради тоа е тешко да се издвои една жена. За сметка на тоа, дамите во САД избраа три. Бијонсе, Карли Клос и Ким Кардашијан. Реално, овие ѕвезди успеваат да се истакнат како основни типови кои се на посебна почит во земјата.
Јужна Кореја
Со исклучителна предност, рангирањето за икона на убавината во Јужна Кореја го освои Миранда Кер. Поранешната сопруга на Орландо Блум е љубимец поради своите нежни, испишани и буквално кукленски црти.
Саудиска Арабија
Жените во Саудиска Арабија се познати по својата љубов кон различните техники на шминкање и козметика и ја пронајдоа својата идеја за совршена женска убавина во лицето на Ким Кардашијан. Сопругата на Кание Вест ги освои срцата со вештината да го контурира лицето и, природно, да си прави селфиња.
Австралија
Со несериозната коса, атлетскиот физикус, блескавите нозе и здрав начин на живот, Жизел Бундхен е идеалот за жена во Австралија.
Шпанија
Ако има нешто карактеристично за Шпанката, тоа сигурно е нивниот огнен темперамент.Токму затоа не нѐ изненадува дека современа икона на убавината е актерката Пенелопе Круз. Убавицата инспирира многу жени од овој дел на светот со својата совршена визија, карактер и шарм.
Јужна Африка
Разновидноста на националности во Јужна Африка изненадувачки постигна едногласност и ја издвои Бијонсе како идеал за женска убавина. Примерот на дивата е проследен строго и дури се јавува своевиден начин за обединување на жените и за истакнување на нивните права. На крајот, како што самата пејачка вели: “Who run the world? Girls! “.
Холандија
Жените во Холандија буквално се потпираат на родното – фаворит меѓу ѕвездите е Даутцен Крус. Таа е убава, инспиративна и носи типично холандска убавина во себе.
Кина
Изненадувачки е дека Софи Марс е идеалот за жена во Кина. Фактот дека таа не е дел од новата генерација актерки воопшто не е од значење за дамите. Напротив – се толерира идејата дека убавината и елеганцијата не познаваат возраст и е вештина да се задржиш секогаш толку инспиративна со годините.