Најмалку 11 лица загинаа во експлозија во рудник за јаглен во Кина

Најмалку 11 лица загинаа денеска во експлозија во рудник за јаглен во близина на градот Јанан, во планинската провинција Шанкси на северот од земјата, соопштија кинеските власти.

Вкупно 90 рудари се наоѓале во окното во моментот на експлозијата, што е најсмртоносната несреќа во рудникот по уривањето на отворен рудник во северниот регион на Внатрешна Монголија, во кој загинаа повеќе од 50 луѓе, пренесува АП.

Агенцијата наведува дека иако Кина сè повеќе инвестира во производство на енергија од ветер и сончева енергија, таа сè уште е силно зависна од јаглен и останува најголемиот светски производител и потрошувач на изворот на гориво во светот.