Најмалку 53 лица убиени во Газа од утрово, 32 во ред за храна

Најмалку 53 лица се убиени во израелските напади низ Појасот Газа од рано утрово, соопштија палестински медицински извори.

Меѓу загинатите има 32 лица кои чекаат да добијат хуманитарна помош, објави „Ал Џезира“.

Почнувајќи од денес, Израел започна со таканаречени тактички паузи во борбите за хуманитарни цели, кои ќе траат од 10:00 до 20:00 часот во Ал-Маваси, Деир ел-Балах и Газа Сити.