Здравствената состојба на рускиот опозициски политичар Алексеј Навални се влошува и тој почнува да го губи чувството во рацете и нозете, изјави неговиот адвокат Вадим Кобзев.
Навални започна штрајк со глад минатата недела барајќи медицински третман за болка во грбот и нозете.
“Алексеј може да оди сам. Чувствува болка при одење. Загрижувачки е затоа што болеста очигледно напредува бидејќи го губи чувството на нозете, дланките и зглобовите”, напиша адвокатот на Твитер.
На Навални, кој издржува затворска казна, му биле дијагностицирани две хернии на дискови, изјави Кобзев, пренесува BBC.
Кобзев додаде дека температурата на Навални често варира и дека поради штрајкот со глад изгубил многу килограми.
Навални на својот Инстаграм изјави дека полицијата се обидува да го испровоцира оставајќи печено пиле и слатки во близина, додека тој штрајкува со глад.