Во нападот со нож што се случи утринава во основното училиште „Пречко“ во Загреб, загина едно дете (7), повредени се учителката и шестмина ученици.
Од полицијата потврдија дека напаѓачот е 19-годишен маж и дека е приведен, како и дека е повреден.
Животот на наставничката е во опасност.
ХРТ објави дека децата кои излегувале од трпезаријата виделе крв во ходникот и млад човек како тепа дете.
Почнале да бегаат, настанало паника.
Младиот човек потоа влегол во првата училница на која наишол. Се верува дека таму избодел неколку ученици и наставник.
После тоа истрчал од училиштето и побегнал облеан во крв во блискиот Здравствен дом, каде се заклучил во тоалет и се обидел да се самоубие, дознава ХРТ, но го спречила полицијата, која подоцна го привела.
Како што дознаваат репортерите на Јутарњи лист, во населбата Пречко се вели дека учениците наводно им кажале на родителите дека напаѓачот бил облечен во црно и маскиран и дека пред часот во кој го извршил нападот посетил уште неколку ученици.
Како што подоцна соопшти полицијата, напаѓачот е 19-годишник кој бил ученик во тоа училиште и кој моментално живее во близина на тоа училиште. Околностите и динамиката на овој настан се утврдуваат.
За оваа трагедија изјава даде министерот за внатрешни работи, Давор Божиновиќ.
„Од првата пријава полицијата го совлада за 10 минути. Тој си нанел и почнал да си нанесува повреди, исто така со нож. Се сокрил во блиските простории на Здравствениот дом. Полицијата го спречи да се самоубие“, изјави Божиновиќ.
Според него, се работи за лице со психички проблеми.
„Лицето е пријавено поради психички нарушувања. Дури и пред околу една година, поради обид за самоубиство. Тешко е да се каже дека е психички урамнотежена личност со оглед на тоа што и денес се обиде да си го одземе животот“, рече тој.