НАТО функционер за АНА-МПА: Северна Македонија под уставното име влезе во Алијансата

од Илинка Илиоска
294 прегледи

Северна Македонија во НАТО влезе под уставното име и тоа е името под кое се претставува, рекол за грчката новинска агенција АНА-МПА функционер од Северноатлантската алијанса во однос на употребата на името Македонија од претседателката Гордана Силјановска Давкова.

Функционерот, кој не е именуван, за АНА-МПА посочил дека нашата земја е важен НАТО сојузник и „значајно придонесува за нашата колективна безбедност“.

Како пример ги споменал војниците распоредени во мисијата КФОР на Косово, мисиите во Ирак, како и мултинационалните борбени групи на НАТО во Летонија, Бугарија и Романија.

-Договорот од Преспа го отвори патот за членство на Северна Македонија во НАТО и придонесе за добрососедските односи, кои е важно да се одржуваат меѓу сојузниците. Северна Македонија влезе во Алијансата под нејзиното уставно име и под тоа име се претставува во НАТО, рекол функционерот.

Слични содржини