Научниците предвидуваат дека најголемиот глечер во светот, познат како А23а, ќе се распадне во рок од еден месец, откако ќе се ослободи и ќе се упати кон север, откако една година беше заробен во океанот поради вител, објавија денеска медиумите.
Научникот од тимот за поларни океани во Британскиот институт за Антарктик, Ендрју Мајерс, изјави дека глечерот се движи кон север и ќе наиде на потопли води, што ќе го забрза процесот на топење на мразот, пренесе агенцијата Анадолија.
Тоа значително ќе го забрза топењето бидејќи температурата на водата во океанот се зголемува како што јужната хемисфера влегува во лето. Претходно познатите гигантски глечери се распаднаа на помали парчиња некаде во близина на Јужна Џорџија.
Мејерс додаде дека не е невообичаено глечерите да стигнат многу подалеку на север, па дури и да се приближат до Јужна Африка.
Глечерот А23а има површина од 3.800 квадратни километри и е дебел 400 метри, јавува Би-Би-Си.
Овој глечер се откинал и се ослободил на Антарктикот во 1986 година, иако набрзо повторно се заглавил во близина на брегот.
Поради својата дебелина, ледениот брег се заглавил на дното на Веделското Море, кое е дел од Јужниот Океан, каде што останала неподвижна повеќе од 30 години.
Глечерот повторно почна да се движи кон север во 2020 година, но повторно е заглавен од пролетта оваа година кога беше фатен во вртлог во близина на островот Јужни Окни, пренесува „Танјуг“.