Кога НБА ѕвездата Двејн Вејд и неговата сопругам актерката Габриел Унион-ВејдУнион, на Денот на благодарноста објавија семејна фотографија со 12-годишниот син Зион и ќеркичката Каави Џејмс, хејтерите немилосрдно го нападнаа момчето. Им сметало тоа што тој носи кратка маичка и вештачки нокти, а во своите коментари не се воздржувааа.
„Што по ѓаволите, зошто ова момче има вештачки нокти. Повеќе не го почитувам Вејд. Разбирам дека го поддржува детето кое мисли дека е геј, но дури ни мојата ќерка на таа возраст не би имала вештачки“, напишал некој.
„Зошто има лакирани нокти и е облечен како девојче“, додал друг коментатор.
„Зошто тоа го поттикнуваат во толку рана фаза? Едно е да го прифатиш, но ова…“, пршал трет.
„Тоа е толку тажно што момчињата се претвораат во девојчиња. Срцето ми се кине, толку е млад“, напишал четврти.
Вејд, не можел мирно да стои и да ги гледа коментарите, па одлучил да возврати.
„Мене како родител единствена цел ми е, моите деца да знаат дека гледам кои се, ги сакам и ги поддржувам“, напишал па додал:
„Гледам омраза под мојата семејна фотографија. Глупост е еден дел од светот во кој живееме па разбирам. Важна е само една работа – јас го водам моето семејство, не вие. Ние ќе останеме да се поддржуваме едни со други со гордост, љубов и насмевка“, додал.