НДМ со донација од 100.000 денари за настраданите во поплавите

Народно движење за Македонија денес на сметката на Фондот на солидарност уплати 100.000 денари за помош на настраданите од поплавите.

Со големо жалење за изгубените човечки животи и настанатите штети, НДМ се вклучува и со парична помош на настраданите подрачја.

НДМ упатува повик до колегите од ВМРО-ДПМНЕ, СДСМ и сите други партии да го сторат истото.

Сега е момент за хуманост и дело.

Истовремено, претседателот Бачев со сопартијци од раководството на партијата и скопските општински организации на НДМ активно се вклучени во расчистувањето на поплавените куќи и улици.