Не е потврдено дека вакцините не делуваат на новиот вид на коронавирус

Не е потврдено дека постојните вакцини не делуваат на новиот вид ковид 19 откриен во Велика Британија, а Светската здравствена организација (СЗО) продолжува да го проучува ова прашање, изјави за ТАС денес претставничката на СЗО во Русија, Мелита Вујновиќ.

„Обединетото Кралство објави дека новиот вид е позаразен, но засега нема информации дека предизвикува потешка форма на болеста или дека вакцините развиени против него се помалку ефикасни“, изјави претставникот на СЗО, пренесува Танјуг.

Таа објасни дека во моментов новиот вид на вирусот е претставен со 14 мутации, од кои некои можат да влијаат на степенот на инфекција на вирусот, односно на неговата способност да се пренесе од болно лице на здраво лице или на сериозноста на болеста.