„Не ги напуштајте своите домови“: Најмалку седум цивили ранети во гранатирањето на Харков

Најмалку седум цивили се повредени во денешното руско гранатирање на Харков, изјави шефот на регионалната воена администрација Олех Синехубов.

Тој на својот канал на Телеграм напиша дека „окупаторите повторно ги гранатирале станбените области на Харков и индустриската зона“, пренесува „Укринформ“.

Синехубов го повика населението да не ги напушта своите домови доколку тоа не е апсолутно неопходно.